Imtehan Baki Hai

Zindagi tham ja zara
Abhi imtehaan baaki hai..

Kitne arse guzre,
Guzre kitne mausam,
Samjhi ki tham gaye aansu,
Khushiyaan aani baaki hai..

Zindagi tham ja zara
Abhi imtehaan baaki hai..

Kitni thokar khaai,
Paar kiye woh samundar,
Samjhi ki thehar gayi ghabraahatein,
Sukoon aana baaki hai..

Zindagi tham ja zara
Abhi imtehaan baaki hai..

Din guzre, guzri ye raatein,
Chaadar bhigi roshni ke intezaar mein,
Ae savere ruk ja zara,
Abhi aankhon ki nami baaki hai..

Abhi imtehaan baaki hai..

Kitne apne, kitne paraaye,
Sabko hasaana baaki hai..

Jhoothi si muskaan
Chehre pe sajaana baaki hai..

Zindagi tham ja zara
Abhi imtehaan baaki hai..